ගුරුවරුන් අතර ගුරු දෙවියෙකු දෙවියෙකු වූ අපේ රවින්ද්‍ර සර්.

මීට අවුරුදු 2කට විතර ඉස්සර. ඒ කිව්වේ මම උසස් පෙළ කරන්න පටන් ගත්ත ක‍ාලෙ (12 වසරෙදි) මුලින්ම ඉස්කෝල පටන් ගත්ත දවසේ Maths student කෙනෙක් විදිහට ඉස්කෝලෙට ගිය මම එදා හවස ඉස්කෝලෙ ඇරිල ගෙදර ආවේ Engineering Technology Student කෙනෙක් විදිහට.

ඉතිං මීට ඉස්සර කවුරුත් නොකරපු, ලැබෙන විශ්ව විද්‍යාල මොනවද කියල නොදන්න, අළුත් විෂයන් ඉගෙන ගන්න වෙන, කිසිම ගුරුවරයෙක් මීට කලින් උගන්වල නැති. විෂයකට ලොකු අවධානමක් අරගෙන මම මාරු උනේ, ඉංජිනේරු තාක්ෂණයට, මගෙ තිබුණ පට්ට ආසාව හින්දමයි.

ඒත් ආසාවට මාරු උනාට ටික කාලයක් යනකොට තමයි තේරුනේ කොටි වලිගෙ අල්ලගත්ත වගේ තමයි කියල, මොකද ඉස්කෝලෙ ගුරුවරුන්ට අපේ විෂය අළුත් ඉතිං එයාල උගන්වන විදිහත් අවුල්. ටියුෂන් පංතිත් නෑ, මොකද තාක්ෂණික විෂය ධාරා කරන අපි හැමෝටම අනිවාර්යය විෂය උන “තාක්ෂණවේදය සඳහා විද්‍යාව“ "Science for Technology" වගේ විෂයන් කරන්න තනි ගුරුවරයෙකුට අමාරුයි. මොකට මේ තනි විෂය අස්සේ 

• රසායන විද්‍යාව
• භෞතික විද්‍යාව
• ගණිතය
• ජීව විද්‍යාව
• ICT  

කියන විෂයන් 5ම හැංගිලා තිබුණා. අපිත් එක්ක වෙනත් විෂය ධාරා වල A/L කරන උන් පොත් 3ක් අරන් ඉස්කෝලෙ එනකොට අපි පොත් 12ක් විතර අරන් ගියා.

ඉස්කෝලෙ අරන් ගිය පොත්

ඉතිං ඔය අතරෙ ටියුෂන් පංති පංතිත් එක දෙක වැටෙන්න ගත්තා අනිත් විෂයන් 2ටම හොඳ පංති සෙට් උනත් Science for Technology  වලට හරි පංතියක් සෙට් උනේ නැත්තේ මේ විෂයේ තියෙන බරපතලකම නිසාමයි.

ඔය අතරෙ ළමයි ගොඩක් ඉන්වා කියල ආරංචි උන පංතියට යමු කියල යාළුවෝ කතා කලා, ඉතිං මාත් නිකමට වගේ ගිහින් බැලුවා. ඒ සර්ට ළමයි නම් හිටියා Bsc උපාධියකුත් තියනවා කියල පොර සැරින් සැරේ කිව්වා. ඒත් පොර එදා පටන් ගත්තේ Bio පාඩමක්, මටනම් අහන් ඉඳලම එපා උනා පොර bio උගන්වන විදිහ.අපිට තේරෙන්නෙත් නෑ පොර කියන දේවල්, එතිං මම ඒත් කල්පනා කලා Bsc එකකුත් තියාගෙන මේක පැහැදිලි කරගන්න බැරි ඇයි කියල පොරට, ඒත් හොයල බලනකොට තමයි වැඩේ මීටර් උනේ, Bsc එකක් තියෙනවා හැබැයි Bsc (Hons) SLIIT  ඉතිං යකෝ මම කල්පනා කලා උසස් පෙළ කරල රජයේ කැම්පස් එකකට පැනගන්න බැරුව SLLIT ගිය එකෙක් කොහොමද අපිට කැම්පස් යන්න උගන්නන්නේ, අනික පොරට තියෙන්නේ කම්පියුටස් සයන්ස් උපාධියක් පොර ඒකත් එක්ක කොහොමද අපිට Bio ටික Chemistry ටික කරන්නේ,

ඉතිං මම පළවෙනි සතියෙන්ම වැඩේ අත ඇරල දැම්මා.

ඔහොම ඔහොම පංති හෙන තොගේකට ගියත් එකක්වත් සෙට් උනේ නෑ..

ඊට පස්සේ මම Science for Technology වලට පංති යන එක අතඇරල දැම්ම.

පස්සේ මට පංතියක් ගැන ආරංචි උනා ඒත් ලොකු විශ්වාසයක් තිබුනේ නෑ, ඒත් කෝකටක් කියල ගිහින් බලනව කියල පංතියට ගියා එදා තමයි මම රවීන්ද්‍ර සර්ව අඳුර ගත්තේ මුලින්ම,

ළමයි 10ට වඩා හිටියේ නෑ පංතියේ, ඒත් කමක් නෑ මමත් ඩෙස් එකක් අල්ලගෙන වාඩි උනා.

මට අද වගේ මතකයි සර් එදා කලේ Microbiology පාඩම, අපි එදා මුලින්ම ගිය නිසා කාර්ඩ් ගත්තේ නෑ, ඒ නිසා කාඩ් මාර්ක් කරන එකා ටියුට් එක දෙන්න බෑ කිව්වා, ටියුට් එකක් කිව්වට ඒක Color Print ගහපු තඩි පොතක්. ඒක  Print  කරන්නම රු 700/= විතර යන්න ඇති. සර් ඒත් කාර්ඩ් මාර්ක් කරන අයියට  කිව්වා කමක් නෑ දෙන්න කියල.

සර් එදා දීපු ටියුට් එක.

     

මට එපා වෙලා තිබුණ bio ටික. සර් මතක හිටින විදිහට සුපිරියට ඉගැන්නුවා.

ඉතිං මම හිතුවා මේ පංතියට ටික දවසක් ගිහින් බලනවා කියල මොකට මට First Impression එක හොඳට වැදුන නිසා. ඉතිං ඔහොම මම දිගටම එන්න ගත්තා,

සර් Bio , Chemistry කියල වෙනසක් නෑ හැම එකම සුපිරියට ඉගැන්නුවා ආස හිතින මතක හිටින විදිහට.

ඉතිං මම මොන වැඩ තිබුනත් කවදාවත් class එක කට් කර ගත්තේ නෑ...
අපේ විෂයන් අළුත් නිසා සිලබස් එක දහ සැරයක් විතර වෙනස් උනා පළවෙනි අවුරුද්ද ඇතුලෙදි.

සිලබස් වෙනස් කරල අළුත් පොත එන්න කලින් සර් අපිට ඇවිත් කියනවා ළමයි මේ ටික ඔයාලගෙ සිලබස් එකෙන් අයින් කරල, අළුතෙන් මේ ටික ඇඩ් කරල කියල. සර් ඒ ගැන අපිටත් වඩා ටච් එකේ හිටියා. ඒ නිසා අපිට සර් ඉගැන්නුවේ තෝරල බේරල ගානට පිළිවෙලට,

ඔහොම ඔහොම ආරංචිය ගිහිල්ලා සර්ගෙ පංතියට ළමයි වැඩි උනා.
ඒත් ඒ ආපු ගොඩක් ළමයි ඉස්කෝලෙ උගන්නන ඒවට වඩා සර් උගන්නන ඒවා වෙනස් කියල වෙන පංති වලට ගියා. ඒත් මට නම් මේ පංතිය සුපිරියට වැදිල තිබුනේ.

ඉස්කෝලෙ උගන්න ඒවට වඩා සර් උගන්න ඒවා වෙනස් උනේ මොකද ඉස්කේලෙ නම් Science for Technology වල Maths උගන්නන්න ආවෙ A/L maths උගන්නන ගුරුවරයෙක් මොකද කිසිම ඉස්කෝලෙක මේ වෙනකොට ගුරුවරු හිටියේ නෑ. ඉතිං එතකොට ත්‍රිකෝණමිතිය කිවුවාම, එයා එයාට සුපුරුදු combine maths ත්‍රිකෝනමිතිය කලා, ඒත් අපිට theory වලට වඩා තිබුනේ Trigonometry වල application. ඉතිං ඉස්කෝලෙ theory උගන්නවා රවීන්ද්‍ර සර් application  උගන්නනවා ඉතිං වෙනස් තමයි.

ඉතිං ඔහොම ඔහොම අවුරුද්දක් එකහමාරක් විතර ගෙවිල ගියා අපිට විභාගෙ ගැන ලොකු ගාණක් තිබුනෙත් නෑ. ඉතිං සර් විභාගෙට මාස 6කට කලින් සිලබස් ඉවර කලා. ඊට පස්සේ සර් කිව්වා මම ආපහු සිලබස් එක මුල ඉඳල කරනවා කියල. අපි මුලින් හිතුවේ ඇත්තටම සර් එහෙම කිව්වේ ආතල් එකට කියල, ඒත් නෑ සර් විභාගෙට මාස තුනක් තියල අපිට රාජලියගෙ කථාවක් කියල ආපහු සුපිරි ඉගැන්නිල්ලක් කලා ඒකෙන් තමයි මම නම් ගොඩ ගියේ

මේ 2016 A/L ළමයින්ට ගහපු එකක් අපේ එක හොයා ගන්න බැරි උනා.

සර් ඒක කලේ සුපිරිම ක්‍රමේකට එක ළගින් යන පාඩම් අල්ලල ෂොට් නෝට් පොත් සෙට් එකක් දුන්නා.

Short note පොත් කිහිපයක්.

ඊට පස්සේ දවසට එක පාඩමක් වගේ වෙන්න ආපහු මුළ ඉඳළ කරගෙන ගියා, අන්න එතකොට අර සර් උගන්නන ඒවා වෙනස් කියල පංතිය දාල ගිය සෙට් එක ආපහු මේකට එන්න ගත්තා. මේ revision එකේදී සර් MCQ 3000 ක් විතර Structured Essay  ප්‍රශ්ණ 1000 ක් විතර වෙන්න කෙරෙව්වා. ඉතිං ඒ ටික කලා කලා කියන්නේ අපිට ආපහු වෙන මුකුත් කරන්න ඕනි උනේ නෑ. අපිට ගෙදර ගිහින් වැඩ කරන්නත් නැති තරමට සර් අපිට පංතියෙදි වැඩ කෙරෙව්වා.

ඉතිං විභාගෙ කිට්ටු කරල රත්නපුර පුරාම ආයතන වල රු 1000/= 1500/= කියල සම්මන්ත්‍රන තියන්න පටන් ගත්තා. ඒත් රවීන්ද්‍ර සර්ගෙ පංති ගිය අපිට නම් ඒ එක සම්මන්ත්‍රනේකටවත් යන්න ඕනි උනේ නෑ.

සර් උනත් Science for Technology උගන්නන පළවෙනි වතාව නිසා සර් අපිට ටියුට් හදන්න, අමතර විෂය කරුණු හොයල දෙන්න සෑහෙන්න වෙසෙක් ගත්තා,

ඒ අතරෙ අපි හැමෝම ගැන හොයලත් බැලුව, සර් සමහර වෙලාවට රෑ 12ට 1ට විතර කතා කරල මගෙන් අහනවා දිනුක අර ගණන් ටික හැදුවද? අර ටික බලා ගත්තද කියල. ඉතිං අපිත් සර්ගෙ මහන්සිය නිසා අපිත් නොදැනිම වැඩ කලා.

සර් ඒ මාස තුනේ පංතිය කරන්න කොච්චර මහන්සි උනාද කියනව නම්. සර් දවසක් මට කතා කරල කියනවා “දිනුක දැන් මේ දවස් ටිකේ කන්නවත් වෙලාවක් නෑ මට බයයි මට ලොකු ලෙඩක් වත් හැදෙයිද කියල“ කිව්වා. සර් ඒ කිව්වේ ඕනිම කෙනෙකුට දරා ගන්න පුළුවන් ප්‍රමාණයක් තියෙනවා ඒ ප්‍රමාණය ඉක්මවල වැඩ කලාම. ශරිඑයට ඒක දරා ගන්න අමාරුයි. ඒත් සර් ගැන වත් හිතන්නේ නැතුව අපි වෙනුවෙන් මහන්සි උනා. 

ඒ උනාට සර්ගේ ඒ මහන්සියේ ප්‍රතිඵල තිබුනා, විභාගෙ ලියන දවස ටිකෙන් ටික ලං උනා. 2015 AL Science for Technology විභාගේ හැමෝටම අමාරු වෙද්දි, රවීන්ද්‍ර සර්ගේ පංති ගිය අපි පේපර් එක ගේමක් නැතුව ලියා ගත්තා. 

විභාගේ ඉවර උනත් සර් අපිව අත් ඇරියේ නෑ. දිනුක නිකන් ඉන්න එපා මොනව හරි කරන්න. කියල නිතරම අපිට කතා කලා, 

ඔහොම ඉඳල ඉඳල result ආව. මට B සාමාර්ථ 3 ලැබිල තිබුනා. මම රත්නපුර දිස්ත්‍රික්කෙන් 6 වෙනියා වෙලා තිබුණා. ලංකාවෙන්ම 120 වෙනියා. සර්ට කතා කරල කිව්වා. රත්නපුර දිස්ත්‍රික්කේ පළවෙනියත් සර්ගෙ පන්ති ආපු උදාර අරගෙන තිබුණා. උදාරටත් B 3යි. 

එදාම දැනගත්තා,

• රත්නපුර
• මාතලේ
• නුවර
• කළුතර

දිස්ත්‍රික්ක වල පළවෙනියෝ විතරක් නෙමෙයි. ලංකාවෙන්ම ඉංජිනේරු තාක්ෂණවේදය පළවෙනියත් සර්ගෙ පංතියෙන් ඇවිත් තිබුණා.

ඉතිං සර්ගෙ මහන්සියේ ප්‍රතිඵල තිබුණා.

සර්ට පට්ට සතුටුයි. සර් රිසල්ට් ආවට පස්සේත් අපිව අතඇරල දැම්මේ නෑ. ආ දැන් හරි විභාගෙ ඉවරයි රිසල්ට් ආව කියල. සර් නිතරම හොයල බලල අපිට තෝරගන්න ඕනි යුනිවර්සිටි ගැන. උපාධි ගැන අපිව දැනුවත් කලා.

ඒ විතරක් නෙමෙයි B. Eng උපාධි ඇරෙන්න වෙනත් උපාධි ඒ කියන්නේ මොරටුවේ විලාසිතා අධ්‍යනය, සබරගමුවේ ශාරීරික අධ්‍යාපනය වගේ යෝග්‍යතා පරීක්ෂණ තියෙන උපාධි ගැනත් ඒ පැත්තට යන්න කැමති ළමයින්ව දැනුවත් කලා.

ඉතිං සර්ට පිංසිද්ද වෙන්න අපිට තව ටික දවසකින් කැම්පස් යන්න පුළුවන්.

ඊට පස්සේ සර් අපේ ශානක වත් අල්ලගෙන 2016 ඉඳල උසස් පෙළ කරන ළමයිට භාවිත කරන් පුළුවන් තමන්ගේ ගැටළු සාකච්ඡා කරන්න පුළුවන් වෙබ් අඩිවියක් launch  කලා. http://www.altechnologysl.com

දැන් අළුත් ළමයි ඒකෙන් ගොඩක් ප්‍රයෝජන ගන්නවා. අපිත් ඒ සයිට් එකේ ඉන්න ළමයිට තියෙන ප්‍රශ්ණ වලට පුළුවන් විදිහට උපකාර කරනවා.

ඉතිං මට කියන්න තියෙන්නේ ඔයාලත් Science for Technology කරනව නම් එක දවසක් රවීන්දු සර්ගෙ පංතියට ගිහින් බලන්න. පංති ගැන වැඩි විස්තර සර්ගේ සයිට් එකේ ඇති.

හරි. මම මේ පොස්ට් එක ලිව්වේ අළුතෙන් උසස්පෙළ කරන ගොඩක් ළමයි මගෙන් පංති ගැන විස්තර අහපු නිසා. දැන් ඉතිං මට ලේසියි විස්තර කියන්නේ නැතුව හැමෝටම මේ ලින්ක් එක දෙනවා. ;-)