Dialog Optima 2 ගැන සිංහලෙන්

Dialog එකෙන් අපිට ගන්න පුළුවන් මිල අඩු හොඳ ස්මාර්ට් ෆෝන් එකක් තමයි Dialog Optima 2 කියන්නේ.

ඒකෙ තියෙන specification පහල පින්තූරෙන් බලා ගන්න පුළුවන්.

පරණ Dialog phone එකක් තියෙනව නම් ඒක Dialog එකට දීල 9990/=  වෙන මේක 6990=ට ගන්න පුළුවන්.

ඉන්න ගමන් පොඩි වීඩියෝ කෑල්ලක් හැදුවා. බලල වැරදි අඩු පාඩු කියන්න. කාට හරි වැඩක් වෙයි.

ඔහු දුලාන් බෝගහවත්ත නම් විය.

practical  අවස්ථාවක හොරෙන් ගත් ඡායාරූපයක්

මට ඒ දිනය අද වගේ මතකය, ඒ මට මුලින්ම ඒ කටහඬ ඇසුන දිනයයි, ඒ දුරකථනයෙනි එදා එම ඇමතුම අවසානයේ ඔහු මට පැවසුවේ “බය වෙන්න එපා පුතා ඔයාලව අනිවාර්යයයෙන් ගොඩ දානව“ කියාය. ඒ වචන වල සැකයක් නැත ඔහු එය පවසන්නනේ විශ්වාසයෙන් බව මගේ සිතට දැනුනි.

වෘතියෙන් ඉංජිනේරුවරයෙකු වන ඔහු එදා පටන් පුරා වසර දෙකක් ඔහු මගේ ඉංජිනේරු තාක්ෂණවේදය ගුරුවරයා විය.

ළමයි අපි පටන් ගමුද කියා පංතියට එන ඔහු ඉංජිනේරු තාක්ෂණය වැනි රළු විෂයයක් ඉතා සුමුදුව පැහැදිලිව දෙසවන තුලින් මොළයටම යවයි, 

අපි පංතිය පටන් ගත්තේ ළමයි 6 දෙනෙක් ගෙනි, මමද එහි ආරම්භක සාමාජිකයෙකි, 

සර් පංතියට ආවාම ළමයි කවුරුත් කෑ ගහන්නේ නෑ. අපිට සර් කියල දෙන්නේ පේපර් එකට උත්තර ලියන හැටි විතරක් නෙමෙයි ජීවිතයට මුහුණ දෙන හැටි. 
සර් හැමදාම කියන්නේ ළමයි ජීවිතයට වගේම කැම්පස් එකට කෙටි පාරවල් නෑ, ඔයාල කොහොම හරි විභාගෙන් හොඳ ප්‍රතිඵල අරගෙන අම්මල තාත්තලගෙ හීන හැබෑ කරන්න, ඔයාලගෙ ජීවිත සාර්ථක කරගන්න මට ඒ ඇති.

ඒ වෙනකොට රත්නපුරේ හරි Engineering පංතියක් තිබුනේ නෑ ඒත් සර් කවදාවත් ටවුන් එකේ පෝස්ටරයක් ගැහුවේ නෑ, මම දවසක් මගේ තිබුන පණ්ඩිත කමටත් එක්ක සර්ට ගිහින් කිවුවා සර් ඇයි සර් පංතිය මාකට් කරන්නේ නැත්තේ පෝස්ටරයක් හරි කටවුට් එකක් හරි ගැහුවනම් මීට වඩා ළමයි පංතියට එයි කියල. සර් හිනාවෙලා කිව්වේ පුතේ මට මීට වඩා ළමයි ඕනි නෑ කවුරු හරි ළමයෙක් මම ගැන හොයා ගෙන සැබෑ උවමනාවෙන් පංතියට ආවොත් මිසක මට පෝස්ටර් ගහල පංතියට ළමයි ගෙන්න ගන්න ඕනි නෑ මම කවද හරි පෝස්ටරයක් ගහන්නේ ඔයාලගෙ රිසල්ට් ලෝකෙට කියන්න කියල,

සර් ගෙ ඒ තිබුන මනුස්සකමටද කොහොද දවසෙන් දවස ළමයි වැඩි වෙලා රත්නපුරේ ළමයි වැඩිපුරම ඉන්න Engineering පංතිය අපේ පංතිය උනා.

දැන් පංතියේ ළමයි වැඩියි. ඒත් සර් කවදාවත් ඒ නිසා කිසිම ළමයෙක්ට අඩු පාඩුවක් වෙන්න දුන්නේ නෑ, ස්ටේජ් එකෙන් බැහැල පංතියේ හැම ඩෙස්ක් එකක් ගානෙම යනවා, තේරුණේ නැති එක ළමෙක් වත් පංතියේ නැති වෙනකන් පේළියෙන් පේළියට ගිහින් කියල දෙනවා, ඒ ළමයගෙම පොත අරන් ඒකෙම කියල දෙනවා, ඒ විදිහට සර් මගේ පොත පුරාම ඇඳපු සටහන් තියෙනවා, 

හැම ළමයටම වගේ අමාරු කොටස උනේ ප්‍රායෝගික පරීක්ෂණය, මොකද Civil, Electronic, Automobile වගේ ක්ෂේත්‍ර වල practical ලේසි නෑ අනික අපිට විභාගෙට ලකුණු 15 හම්බ වෙනවා practical වලින් ඉතිං ළමයි මහ ගොඩක් ඉන්න පංතියක practical කරන්න විදිහක් නෑ කියලයි අපිත් හිතුවේ,

ඒත් දවසක් සර් පංතියට ආවේ තඩි පෙට්ටියක් උස්සගෙන, ඒ පිටිපස්සෙන් ආයතනයේ අයියල තව පෙට්ටි පෝලිමක් අරගෙන ආවා, 

සර් කිව්වා ළමයි අද practical එකක් කියල, ළමයි ඔක්කොම හිනා උනා ඇයි යකෝ මේ ළමයින් ගොඩකට කොහොමද practical කරන්නේ, 

නෑ සර් මුළු පංතියටම multi meter වගේම  Electronic practical  එක කරන්න බඩු ගෙනත් තිබුනා. මගේ අනුමානයේ හැටියට ඒ බඩු ටිකට විතරක් ලක්ෂ 2ක් 3ක් යන්න ඇති. සර් කිව්වේ ළමයි මේ මහන්සියෙන් උපරිම ප්‍රයෝජන ගන්න කියල, අපි අන්තිමට පංතියෙදි  rc plane හදල උඩ යැව්වා.

සර්ට අපේ පංතියෙන් ආදායමක් තිබුනද කියලත් සැකයි, මොකද අපේ විෂය ධාරාව අළුත් නිසා අධ්‍යාපන ප්‍රකාශණ දෙපාර්තමේන්තුවෙන් අච්චු පොත් ගහල විකිණුවා, සර් කලේ ඒ මුළු පොත් සෙට් එකම පංතියෙ හැම ළමයටම නොමිළේ ගෙනත් දුන්නා.

අපේ හැම ළමයම ඒ පොත් සෙට් එක නිසා ලොකු දැනුමක් ගත්තා, හැමෝම පින් දුන්නේ සර්ට.

ඔහොම ඔහොම දන්නෙම නැතුව විභාගෙට චුට්ට චුට්ට ලන් උනා, සර් පංතියට ඇවිත් හැමදාම පේපර් කරන්න ගත්තා. සර් කිව්වා ළමයි මේව තමයි විභාගෙට එන්නේ මේ පේපර්ම කරල යන්න විභාගෙට කියල. කොහොම කොහොම හරි අගෝස්තු මාසෙටම ඇවිත් අපි උසස් පෙළ Engineering  පේපර් එක ලිව්වා. සර් කිව්ව එක ඇත්ත තමයි සර් කියපු ප්‍රශ්ණ හෙන ගොඩක් පේපර් එකේ, මම ගෙදර ආපු ගමන් කරපු මුල්ම වැඩේ සර් දීපු ප්‍රශ්ණයි පේපර් එකේ ආපු ප්‍රශ්ණයි දාල PDF එකක් හදල සර්ට mail කරපු එක.

ඒක බලන්න පුළුවන් මෙතනින්

ඉතින් ඊට පස්සේ විභාගෙ ලියල මම නිකන් ගෙදරට වෙලා ඉන්න එකේ සර් හම්බ වෙලා එන්න කියල සර් කිව්වා පුතා කැම්පස් එනකන් නිකන් ගෙදරට වෙලා ඉන්න එකේ, Course එකක් පටන් ගන්න මම scholarship එකක් දෙන්නම් කියල. ඉතින් ඊට පස්සේ සර් මටයි තව යාළුවෙකුටයි රත්නපුර පන්තියෙන් scholarship  එකක් දුන්නා  Civil Engineering කරන්න result එන්න කලින්ම. 

සර් අපි වෙනුවෙන් ලක්ෂ ගානක් වියදම් කලා. 

ඔන්න ඉඳල ඉඳලා බය කරල පෙරුම් පුරල result ආවා. ඉතින් බයෙන් බයෙන් රිසල්ට් බැළුව B 3ක් තියෙනවා දිස්ත්‍රික්යේ 6 වෙනියා Island rank එක 120.

මුලින්ම කතා කලේ සර්ට ඉතිං සර්ටත් සතුටුයි. අම්මල තාත්තලටත් සතුටුයි. 

හවස් වෙලා සර්ට කතා කරල ඇහුවා සර් කොහොමද පංති වල රිසල්ට් කියල. ලංකාවෙන්ම Engineering paper එකට වැඩිම ලකුණු මගෙ පංතියෙන් තියෙනවා කියල සර් කිව්වා. ඒ අරගෙන තිබුනේ ඉෂාර බුද්ධික. 

ඒ වගේම කොළඹ දිස්ත්‍රික්කේ 1-2 

ගම්පහ සහ රත්නපුර මුල් ස්ථාන 20න් සෑහෙන්න පිරිසක් සර්ගෙ පංති ආපු අය. ඒ ගැන හදපු hand  bill එකක් හම්බුනා FB එකේ තිබිලා.

ඊට පස්සේ සර් දිස්ත්‍රික්කේ මුල් ස්ථාන වලට ආපු හැම ළමයටම කැම්පස් එනකන් තමන්ට කැමති course එකක් කරන්න සල්ලි වියදම් කරනවා දැන්.

අපේ පංති ආපු හැම ළමයම දැන් සර්ට පින් දෙනවා. 

මට මේ ලිපිය දාන්න හිතුනේ අළුතෙන් A/L කරන මල්ලිලා නංගිලා මගෙන් පංති ගැන විස්තර අහපු නිසා. දැන් මම ඒ හැමෝටම කියනවා Blog එක බලන්න කියල.

ඉස්සරහට A/L කරන මල්ලිලා නංගිලාට කියන්න තියෙන්නේ ඔයාලට දුලාන් සර්ගෙන් Engineering  ඉගෙන ගන්න බැරිනම් ඔයාලට ලංකාවේ කාගෙන්වත් Engineering ඉගෙන ගන්න බෑ. සර් ඒ තරම් සරලව පැහැදිලිව කියල දෙනවා. සර් ගෙ ටියුට් සෙට් එක උනත් පට්ට පැහැදිලියි.

අච්චු පොත් ටික නොමිලේ දෙනවා. (කඩෙන් ගත්ත නම් මාස 2 ක 3ක පංති fees නෙ) හොඳ රිසල්ට් ගත්තොත් campus යන්න කලින් course එකක් කරන්න ලැබෙනවා. තව මොනවද ඉතිං. :-)

හරි එහෙනම් 

සර්ට තවත් ළමයි ලක්ෂ ගණනක නෙතු පාදන්නට ශක්තිය ලැබේවා!

ජය වේවා!

තෙරුවන් සරණයි!

O/L කරන නංගිලාට මල්ලිලාට වැදගත් වෙයි. (O/L කරන හැටි)

ආ ඔව් ඔව් අර දෙසැම්බර් මාසෙ තියන්නේ. අ.පො.ස (අපරාදෙ පොත් වලට සල්ලි) සා/පෙළ  ගැන තමයි.

හරි මෙහෙමයි. මාත් මේ ලොකු උගතෙක් බුද්ධිමතෙක් එහෙම නෙමෙයි ඈ. ඒත් ඉතිං A6 B2 C1 අරං යන්තං අර කියපු විභාගෙ පාස්. ඉතිං බ්ලොග් එකේ පළවෙනි පෝස්ට් එක විදිහට කාට හරි වැදගත් දෙයක් දාන්න හිතුනා. 
ඉතිං මාත් හැමදේම නොදන්න නිසා දන්න චූටි දේවල් ටිකක් කියන්නේ මේ කියන දේවල් වල වැරදි අඩු පාඩු පෙන්නලා දෙනවට මගෙ කිසිම තරහක් නෑ ඕන්. වැරදි පෙන්නකොට තමයි ඒවා හැදෙන්නේ. :)

මෙහෙමයි දැන් පාසල් කාලෙදි ළමයෙක් වැදගත් කියන රජයේ ප්‍රධාන විභාග 3ට මුහුණ දෙනවා. (සාමාන්‍ය ළමයෙක් ඈ) 

1. 5 වසට ශිෂ්‍යත්ව විභාගය
2. O/L
3. A/L

ඉතිං මේ විභාග වලින් තරඟකාරිත්වය අඩුම විභාගෙ තමයි මම දකින විදිහට සා/පෙළ මොකද අනිත් විභාග දෙකේදිම හොඳ ඉස්කෝලෙකට යන්න හරි කැම්පස් පැන ගන්න හරි ලොකු තරඟයක් තියෙනවා.

නමුත් O/L වල මේ තරඟෙ නෑ ඒ නිසා ඒ හිසරදයෙන් ඔයාල නිදහස්.

දැන් බලන්න ඕනි තමන්ගේ අනාගතය ලෝකයේ ඉල්ලුම වගේ දේවල් දිහාත් මොකද මුලින්ම 9 වසට අන්තිමට විෂයන් තෝරන කොට ඒක හරියට අන්තිම කැමැත්ත ලියනව වගේ සමහරුන්ගේ. 
ඒ විෂය තෝරන කොට ඔයාල බලන්න ඔයාලගෙ කැමැත්ත තියෙන ක්ෂේත්‍රය දිහා, උදාහරණයක් විදිහට සෞන්දර්යය විෂයන් වලින් චිත්‍ර වලට දක්ෂ කෙනා ඒක කරයි සංගීතයට දක්ෂ කෙනා සංගීත කරයි.

අනිත් විෂය ගැන බැලුවොත් ව්‍යාපාර අධ්‍යනය, භූගෝලය වගේ විෂයන් වලින් ඔයාල වැඩිපුරම කැමති පහසුයි කියල හිතෙන එක කරන්න. අනාගත බලාපොරොත්තු එක්කත් පොඩ්ඩක් ගලපළ බැලුවට වරදක් නෑ. රජයේ රැකියාවකට වගේ යන්න බලාපොරොත්තුවෙන් ඉන්නව නම් ඒ විෂය කාණ්ඩයේම තියෙන දෙමළ භාෂාව කරන්න. මොකද රාජ්‍ය සේවා උසස් වීම් වලදි දෙමළ භාෂාව සමත් නම් ලොකු වාසි තියෙනවා. (දෙමළ වගේ විෂයන් වල A එකම නැතැත් S ගත්තත් වාසිය වැඩියි අර රජයේ රැකියා වල වගේ)

අනිත් විෂය කාණ්ඩය ගැන බැලුවොත් මම නම් කියන්නේ පුළුවන් හැමෝම ICT කරන්න කියල ඒකට හේතු 2ක් තියෙනවා

1. අනාගත ලොකට දුවන්නේ ICT මත. ඉතිං ICT දැනුම අත්‍යවශයයි.
2. ඔයාලා මොන අංශයෙන් උසස් පෙළ කලත් 12 වසර අන්තිමට රජයෙන් තියෙන GIT (සාමාන්‍ය තොරතුරු තාක්ෂණය)  විභාගේ හැමෝටම අනිවාර්යයි. ඉතිං ඔය විභාගෙ සමත් වෙන්න සා/පෙළ IT කරපු කෙනෙකුට ගේමක් නෑ. 

එහෙම කියල බැරි මරගාතේ IT කරන්න එපා. වෙන කැමති විෂයක් කරල 12 වසරෙදි GIT වලින් අවශ්‍ය දැනුම හදා ගන්න පුළුවන්.
(වැඩි විස්තර ඕනි නම් මාව සම්බන්ධ කර ගන්න)

දැන් කතා කරමු හර විෂයයන්, නැත්නම් අනිවාර්යය විෂයයන් ගැන,
ඒ විෂයයන් වලින් ගණිතය විද්‍යාව ඉංග්‍රීසි වගේ විෂයන් වලට වැඩි බර දාන්න පුළුවන් තරම් A එකටම යන්න බලන්න  (ඔක්කොටම A ගන්න පුළුවන් නම් ගනිල්ලා මං කිවුවේ එහෙම ඕනි නෑ කියල හිතන සෙට් එකට) ඉංග්‍රිසි නම් ෆේල් කර ගන්න එපා පුතෝ උසස් පෙළ කරල කැම්පස් යනකොට අහන්නේ උසස් පෙළ ඉංග්‍රිසී රිසල්ට් එක නෙමෙයි සාමාන්‍ය පෙළ එක. (බය වෙන්න එපා ෆෙල් උනොත් දෙවනි පාර ලියල ගොඩ දැම්මත් හරි)

දැන් කතා කරමු සා/පෙළ ආදරය ගැන,
ඒක ගැන කියනකොට මෙහෙමයි පාසල් ප්‍රේමය වරදක් විදිහට මම නම් දකින්නේ නෑ, ඔය අපිට ඉස්කෝලෙදි ප්‍රේමය ගැන අපි නම් ඕව කරේ නෑ කියන කවුරුත් ඉස්කෝලේ යන කාලෙදි කෙල්ලෙක් කොල්ලෙක් ගැන හිතක් පහළ නොවුන අය නෑ. (අපි හැමෝම මිනිස්සුනේ) :) 
නමුත් සාමාන්‍ය පෙළ කාලේ පටන් ගන්න ප්‍රේම සම්බන්ධයක් සාරථක වෙලා විවාහ වෙන්න තියෙන ඉඩකඩ ගොඩාක් අඩුයි. ඇත්තෙම නැති තරම්. (අපිත් O/L කාලේ මේවා කියවනකොට හිතුවෙනම් අපි කොහොම හරි කරනවා කියල නමුත් ඒක ගොඩක් අමාරුයි. මොකක් හරි හේතුවක් එනවා) මම නෙමෙයි නන්දා මාළනිත් ඔය ගැන සිංදුවක් කියනවා

නමුත් සාමාන්‍ය පෙළ කරන කාලෙදි ප්‍රේම සම්බන්ධයක් පටන් ගන්න එක නොකර ඉන්න තරමට තමයි ගොඩක් හොඳ, නමුත් ඔබ දැනටමත් ප්‍රේම සම්බන්ධයක් පටන් අරගෙන නම් එ්ක එකපාරටම නවත්තන්න යන්න එපා මොකද එතකොට ඇතිවෙන සිත් තැවුල් දුර දිග යන්න පුළුවන්. නමුත් ඔබ මුල් තැන දෙන්න ඕනි අධ්‍යාපනයට නැතුව දෙන්න එක්ක ඇවිදින්න ගත්තොත් නම් ඉතිං සදා අනාතයි සාමාන්‍ය පෙළත් ඉවරයි උසස් පෙළ ඉවරෙටම ඉවරයි. අම්මල තාත්තලගෙ අහිංසක බලාපොරොත්තුත් ඉවරයි (පටන් ගන්න හිතන් ඉන්න සෙට් එක කොහොම හරි මේ අවුරුදු 2 ඉවසල O/L ලියල නම් ඇහුවත් කමක් නෑ. මොකද එතකොට යමක් කමක් තේරෙන ලොකු ළමයි නේ) මොකද සාමාන්‍ය පෙළ කරන ඔයාලට ඔයාල ලොකුයි කියල දැනුනට අවට සමාජයට අවුරුදු 16 17ක් වෙන පොඩි ළමයි ඔයාල තාම.
අද පාසල් ප්‍රේමය එදා තරම් සුන්දර නම් නෑ කොහොමත්

(උසස් පෙළ ආදරය ගැන වෙනම ලිපියක් දාන්නම් වෙලා තියෙන හැටියට)

හරි දැන් බලමු විභාගයට මුහුණ දෙන හැටි ගැන,

මුලින්ම කියන්න ඕනි විභාගයට බය වෙන්න එපා. රටේම තියෙන පංති වලට ගිහින් වැලමිටට විතර වෙනකන් පිරිත් නූල් බැඳල බෙල්ලේ සුර 10ක් විතර දාගෙන විභාගෙට යන්න එපා.
අමතර පංති යන්න අමාරු විෂයයන්ට ඒකෙ වැරද්ක් නෑ ඒත් පංති 10ක් 15 බදා ගන්න එපා ඔයාල වෙහෙසෙන එක විතරයි ප්‍රතිඵලයක් නෑ.
ආගම දහම ගැන විශ්වාසය තියන්න විභාගෙට කලින් අතේ පිරිත් නූලක් බැඳ ගන්න පංසලට ගිහින් බෝධි පූජාවක් තියන්න දෙවියන්ට භාරයක් වෙන්න ඒක හොඳයි. ඒත් ඕනිවට වඩා එපා. දේවාල 10ට විතර ගිහින් අත පුරා නූල් බැඳගෙන යන්න එපා.

හොඳට පාඩම් කරගන්න ඒකට තමන්ට ආවේනික ක්‍රමය හොයා ගන්න, සමහරුන්ට අහන් ඉන්න එක මතකයි, සමහරුන්ට පාඩම් කරපුව මතකයි, ලියපු එක මතකයි ඔය වගේ ඔයාගේ උපතෙන් ගෙනාපු ක්‍රමය හොයා ගන්න.

වැදගත්ම දේ තමයි පැරණි ප්‍රශ්ණ පත්‍ර කරන එක. ඒක තමයි දැනට තියෙන සාර්ථකම ක්‍රමය. හිතන්න ඔයා ඉතිහාසය MCQ පේපර් 10ක් කලා කියල ඔයා දන්නෙම නැතුව MCQ 400ක් කරල. ඉතිං ඔයාට එන 40ත් ඔය 400 ඇතුලෙ හැංගිලා තියෙනවාමයි. පාස් පේපර් කරන ක්‍රමය අත්දුටුවයි ප්‍රත්‍යක්ශයි. ප්‍රතිඵල සහතිකයි. (ඔය සිලබස් මාරු කලා කියල පාස් පේපර් කරන එකේ වරදක් නෑ මොකට ලංකාවේ සිලබස් මාරු කරන්නේ පිටු විතරයි අනික සිලබස් මාරු කලා කියල බුද්ධාගම වෙනස් වෙනවද, ඉතිහාසයේ දුටුගැණුමුණු රජතුමා එලාර වෙනවද. ගණිතයේ ගුණ කිරීම බෙදීම වෙනවද පයිතගරස් ආකිමිඩිස් වෙනවද නෑ නෙ. පිටු විතරයි විෂය නෙමෙයි. 
බය නැතුව පොත් අරගෙන අවුරුදු 10ක විතර පාස් පේපර් කරල යන්න.

විභාගය හා කොපි කිරීම

ඔව් ඇත්තටම කිවුවොත් කොපි කරන්න පුළුවන් ඒත් බෑ. මොකක්ද යකෝ ඒ කිවුවේ නේද? :) කොපි කරන්න පුළුවන්ද බැරිද කියන එක තීරණය වෙන්නේ තමන් වැටෙන හොල් එක. තමන්ට වැටෙන ගුරුවරයා වගේ ගොඩක් සාධක මත. ඒ නිසා කවදාවත් කොපි කරන්න බලාගෙන විභාගෙට යන්න එපා. ඒත් අවස්ථාවක් ලැබුනොත් උද්ව්වක් ගත්තට යාළුවෙකුට උදව්වක් කලාට වරදක් නෑ. ඉතිං පිං සිද්ධ වෙනවනේ යාළුවෙක් ගොඩ දැම්මොත්.

මගෙ රිසල්ට් ගැන කියනවනම් ඉතිං English හා ඉතිහාසය B නාට්‍ය හා රංග කලාව C ඉතිරි සියල්ල A. 

මම නම් ඉතිං පාඩම් කලේම නැති තරම්. මොකද මට වැඩිපුර මතක හිටින්නේ අහන් හිටපු දේවල්. මම නම් ඉතිං ඉස්කෝලෙ බාහිර වැඩත් කලා I.C.T  society එකේ සභාපති විදිහටත් වැඩ කලා 
INTEC SIVALI 2012 ඉස්කොලේ පළවෙනි IT  day එකත් කලා ඒ 11  වසරෙදි මැයි මාසේ 24. ඉතිං 11 වසරෙ පටන් ගත්ත දවසෙ ඉඳල ඕක බදාගෙනම කලා මිසක් පීරියටඩ් 10ට වඩා පංතියෙ ඉඳලා නෑ මැයි 24 වෙනකන්. 
මම නම් ඉතිං කිවුවා වගේම පේපර් කිරීමෙන් තමයි ගොඩ ගියේ.

ඉතිං මගෙ බ්ලොග් එකේ පළවෙනි පොස්ට් එක හැටියට මේක කාටම හරි ප්‍රයෝජනයක් උනා නම් ඒක තමයි මගේ සතුට. වැරදි අඩු පාඩු යටින් කියල යන්න. හදා ගන්න. මගහැරුන දේවල් ඇති කියල යන්න.

එහෙනම් ජයෙන් ජය වේවා!
තෙරුවන් සරණයි!